Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ftesë për pjesëmarrje në Konferencën e VI Mbarëkombëtare të Arkivistikës, organizuar me bashkëpunimin e Drejtorisë së Përgjithshme të Arkivave – Tiranë (Shqipëri) dhe Agjencisë Shtetërore të Arkivave – Prishtinë (Kosovë).
Pas konferencave të zhvilluara në Tiranë, Prishtinë, Shkup, Sarandë dhe Tuz, arkivistët nga të gjitha trevat do të mblidhen këtë herë në Boletin të Kosovës.
Datat: 10-11 qershor 2022
Vendi: Boletin, Kosovë
Afati i pranimit të kumtesave përfundon më 1 prill 2022.
Ky aktivitet organizohet nga Drejtoria e Përgjithshme e Arkivave në bashkëpunim me Agjencinë Shtetërore të Arkivave të Kosovës.
Qëllimi i kësaj konference është të mbledhë ekspertët dhe studiuesit e arkivave të vendeve shqipfolëse dhe të arkivave të rajonit, të cilët diskutojnë çdo vit për problematikat, metodologjinë e studimit, dixhitalizimin dhe përmirësimin e infrastrukturës së përmbajtjes, inovacionin, si dhe vizionit të punës së arkivave në realitet e sotme.
Me këtë rast Drejtoria e Përgjithshme e Arkivave, Agjencia Shtetërore e Arkivave të Kosovës dhe ftojnë studiuesit, nëpunësit dhe të gjithë të interesuarit e kësaj fushe të marrin pjesë në konferencë me studime, ide dhe propozimet e tyre.
Temat që propozohen për diskutim lidhen specifikisht me arkivistikën, të drejtat e njeriut dhe me historinë e arkivave apo institucioneve arkivore në zonat shqipfolëse.
Veç arkivistëve të rrjeteve arkivore kombëtare, ftesa për pjesëmarrje u drejtohet të gjithë profileve të tjerë të arkivistëve, institucioneve që ruajnë apo atyre që ndërveprojnë me ruajtjen e kujtesës kolektive.
Abstraktet jo më shumë se 300 fjalë pranohen deri më datë 1 prill 2022 në gjuhën shqipe ose anglisht në [email protected] dhe [email protected].
Për më shumë informacion shikoni njoftimin ne faqet web të DPA www.arkiva.gov.al dhe Agjencisë Shtetërore të Arkivave të Kosovës www.asha-ks.net
Gjuha e kumtesave: shqip, gjuhët e Europës Perëndimore.
Tema të propozuara:
– Crowdsourcing: konteksti dhe metadatat e dokumenteve të krijuara prej përdoruesit
– Automatizimi i arkivave dhe etika
– Siguria kibernetike dhe administrimi i të dhënave
– Risitë digjitale dhe shfrytëzimi i dokumentacionit
– Zhvillimi i njëtrajtshëm përmes bashkëpunimit me komunitetin
– Trashëgimia arkivore e përbashkët, përtej kufijve politik
– Arkivat, përgjegjësia, aksesi në të dhënat dhe mbrojtja e të dhënave personale
– Bashkëpunimi rajonal në fushën e arkivave dhe trashëgimisë kulturore arkivore
– Trafiku ilegal i trashëgimisë dokumentare
– Etika dhe arkivat
– Ndryshimet klimaterike dhe arkivat
– Trajnimi arkivor dhe përmirësimi profesional
– Turizmi dhe promovimi i arkivave
(Shënim: temat e propozuara nuk janë tituj të detyruar temash apo artikujsh, as kanë qëllim kufizues, por vetëm sugjerime tematike.)
#ArkivatFrymëzojnë
