Mbahet provimi i maturës në Ferizaj

04/06/2016 Institucionet

Mbi 2 mijë maturantë të Komunës së Ferizajt iu nënshtruan testit të maturës shtetërore. Në njërën nga qendrat ku mbahej provimi erdhën edhe ministri i Arsimit z Arsim Bajrami dhe kryetari i Komunës së Ferizajt z. Muharrem Sfarqa.  Të dy konsideruan  se  nga viti në vit po rritet cilësia e këtij vlerësimi.

”Në Komunën  e Ferizajt kemi një administrim të mirë të maturës shtetërore, vërehet një përkushtim i mirë i nxënësve dhe mësimdhënësve si dhe të drejtorëve të shkollës, ku unë falënderojë drejtorinë komunale të arsimit për menaxhim kaq të mirë, sepse ne kemi nevojë për një vlerësim të mirë dhe real dhe jam shumë i sigurt që ky proces tani po finalizohet. Vlerësimi kombëtarë i maturës, është një test i aftësitë së Republikës së Kosovës për të ndërtuar një sistem të qëndrueshëm arsimor, dhe jemi të sigurt  se ky proces po përfundon me kredibilitet dhe profesionalizëm”, tha ministri i arsimit Arsim Bajrami.

Testin e maturës e vlerësoi tejet larte edhe numri një i qytetit të Ferizajt, Muharrem Svarqa.

“Ky test do të jetë një verifikim i mirë i dijeve të arritura gjatë këtij viti shkollor dhe viteve paraprake dhe do të jetë një sfide për ta përballuar dhe për tu regjistruar në universitetet në të ardhmen. Fakti  që ne kemi dyshuar  se kemi të bëjmë me një test pak më të vështirë se sa herave të tjera,  tregon përkushtimin e ministrisë dhe Qeverisë së Republikës së Kosovës për të ashpërsuar kriterin dhe për të bërë vlerësimin e dijeve në përgjithësi në nivel  të Kosovës, sepse investimi në dije është një nga investimet më dobiprurëse për të ardhmen tonë të përbashkët”, ka thënë kryetari Svarqa.

Nga ana tjetër drejtori i arsimit në Ferizaj, Muhamet Halili tha se në aspektin organizativ të testit  gjithçka shkoi mirë.

Ndërsa monitorues nga  Ministria e Arsimit thanë se provimi i maturës në Ferizaj u zhvillua pa ndonjë parregullsi, me përjashtim të ndonjë tentim kopjimi individual, i cili u pengua me kohë.

Pjesa e dytë e provimit të maturës shtetërore  bëhet e ditur se zhvillohet më 24 qershor.

Kontrolloni gjithashtu

Kuvendi i Komunës së Ferizajt mban mbledhjen e rregullt

Kuvendi i Komunës së Ferizajt ka mbajtur këtë të premte mbledhjen e rregullt, të kryesuar …

Radio Kosova e Lirë 94.2 FM
Kjo ueb-faqe mirëmbahet nga Radio Kosova e Lirë. Materialet dhe informacionet e publikuara në këtë faqe, të cilat janë pronë e Radio Kosovës së Lirë dhe të redaksisë “Dëshmorët e UÇK-së”, nuk mund të kopjohen, riprodhohen, shtypen apo të përdoren në çfarëdo forme tjetër për qëllime përfitimi, pa lejen paraprake të redaksisë. Radio Kosova e Lirë mban të gjitha të drejtat e rezervuara, në përputhje me dispozitat ligjore që rregullojnë të drejtat e autorit dhe pronën intelektuale. © Copyright 2005 - 2026, Të gjitha të drejtat e rezervuara