Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
me fjalët e zemrës t’ia themi
t’ia themi sinqerisht
t’ia themi troç
atij burri
akademik Qosja
je më i rëndë se guri
më i madh se lisi
më i bardhë se plisi
fisnik si vet fisi
ynë arbër
simbol urtësie
krenari e shqiptarisë
kurorë diturie
rrënjë e lashtë ilirie
burim Plave
degë e blertë Gucie
trung mijëvjeçar Shqipërie
me tingujt e shpirtit
ta këndojmë
je muzë e këngës
me ngjyrat më të bukura
të ylberit
ta pikturojmë
portreti yt i papërsëritshëm
fjalën e madhe për kombin
e ka thënë guximshëm
gjithmonë
jo strukur
as frikshëm
në mbrojtje të atdheut
një jetë të tërë rrugëtoi
kandil shndritës i ardhmërisë
si Drini në rrjedhën e vet
plaku mendjendritur
plaku mendjehollë
plaku zemër djalë
plaku mjekërborë
ti
tempull dardan
i magjisë krijuese
kokën mbështetur
tek rrapi shekullor
me flakën e diturisë bartur në gji
krenarinë e kombit përjetësove
ti biri i denjë i nënës arbërore
ndër yje
yll i zjarrtë
krenari e ligjshme
ti mburrje e kombit
i papërsëritshëm
kolos i diturisë
akademik Qosja
emblemë shkëlqyese e shqiptarisë
dhjetor, 2013 Zvicër
Mehmet Bislimi: LAVDI QIELLIT
(Adem Demaçit)
në motet e largëta
zë i vetmuar
një grusht atdhetarësh
përflakur
në ballë të furtunës
bijtë e tokës
bijtë e zotit
bijtë e nënëlokes
Kosovë e Adem Demaçit
Kosovë e Adem Jasharit
Kosovë vatër e lirisë
Kosovë vatër e zjarrit
në këtë vend që nuk kishte teatër
e teatër po luhej
as sot
nuk po skuqen ata
që do duhej skuqur
shpirtshiturit u trazuan
Bacë Ademi tha të vërtetën
si gjithmonë
të vërtetën
as gjë më shumë
ai edhe dje
si sot dhe nesër
gjërave u thotë në emër të vet
hajnit i tha hajn
tradhtarit- tradhtar
qenit- qen
spiunit- spiun
zagarit- zagar
pushtuesit- pushtues
çlirimtarit- çlirimtar
ai eci vertikalisht
në një kohë kur shumë të tjerë hiqeshin zvarrë
mure erë myku e zymtësie përballoi
papërkulur e ballëlartë
në rrugët e jetës marshues
në rolet e imponuara nuk u tjetërsove
me fuqinë e shpirtit
dashurinë për botën e madhe përjetësove
deri në sakrificë e vetëmohim
dashuri për të tjerët
dhurove
nëse keni dëgjuar deri më tani
të ketë peshuar kush
gurin e vuajtjeve të tij shpirtërore
e pra
sa peshon vuajtja
mbi supet e tij
lavdi qiellit
çka (s) presim më shumë
nga kryeneçët e kësaj shoqërie të çakorduar
çmendurisht.
Dhjetor, 2013 Zvicër
