Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Përpjeka e të ashtuquajturit SBASHK për t’ ua humbur nxënësve shqiptarë të Kosovës tri javë mësim është përpjekje antikombëtare dhe anti-arsimore, është akt i patolerueshëm, të cilin mjerisht po e përkrahim shumica dërrmuese e arsimtarëve. Meqë Ministri i Arsimit nuk është i aftë ta zbatojë ligjin, atëherë do të duhej të jepte dorëheqje. Qeveria duhet të marrë masa dhe në asnjë mënyrë nuk duhet të lejojë humbjen e tri javëve mësim për nxënësit, për shkak të kryeneçësisë, papërgjegjësisë dhe injorancës së një Sindikate, e cila tashmë ka treguar me vepër se nuk i intereson shkolla as arsimimi i brezave. Kjo praktikë e keqe e injorimit të arsimimit është e turpshme dhe e shëmtuar, andaj duhet të gjendet dikush që e stopon për hir të brezave, edukimit dhe përparimit të tyre.
