Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Gazetari gjerman, Mihael Martens, në një shkrim për gazetën autoritative, “Frankfurter Allgemaine Caitung”, është shprehur kundër propagandës të Serbisë për “spastrim etnik” në Kosovë. Për të gjithë ne kjo propagandë çmontohet menjëherë nga realiteti. Por, fatkeqësisht, propaganda e Serbisë duket qartë se e synon veshin e serbëve në Serbi dhe veshin e ndërkombëtarëve që kosovarët të dënohen edhe më rrastë me ndëshkime, siç ndodhi në muajin qershor. “Në korrik, Aleksandër Vuçiqi foli për ‘tortura dhe persekutime të rënda’, për ‘pogrome’ dhe për ‘spastrim etnik që po e pësonte popullata serbe në shtetin që Serbia nuk e njeh”, ka shkruar ai. Për këto pretendime që përsëriten edhe nga kryeministrja serbe, Ana Bërnabiq dhe nga krye-diplomati, Ivica Daçiq, janë “thjesht propagandë”. Aty janë ofruar si fakt edhe raportimi i gjashtë muajve të fundit nga hiç më pak se UNMIK-u. Edhe pse ndoshta, nuk është referenca më e mirë e mundshme. Fatkeqësisht, raporti ka cituar disa raste jo fort të mira për Kosovën, e që përmenden, duke përfshirë edhe injorimin e vendimit të Gjykatës Kushtetuese për pronën e Manastirit të Deçanit. Megjithatë, aty janë përmendur edhe të tjera gjëra që në mënyrë të qartë e kontestojnë propagandën e Serbisë.
