Arbanë Qeriqi-Gashi: Intervistë me Mimoza Hekuran Sulin, motra e Dëshmorit të Kombit, Astrit Suli

Mimoza Hekuran Suli: Nga Tirana, Prishtina e Shkupi shqiptar, presim që të bëhen bashkë për ta rikthyer dinjitetin tonë kombëtar

Motra e dëshmorit të kombit nga Shqipëria të rënë në radhët e Ushtrisë Çlirimtare të Kosovës, Astrit Sulit, Mimoza Hekuran Suli i ka deklaruar Radios Kosova e Lirë se familjet e dëshmorëve dhe populli shqiptar pret nga Tirana e Prishtina zyrtare dhe Shkupi shqiptar që të koordinohen e bashkohen në qëndrime e veprime për ta rikthyer dinjitetin tonë kombëtar. Shumë bashkëluftëtar të vëllaut tonë tani dëshmorë i kombit, Astrit, na vizitojnë e nderojnë e pothuaj janë na janë bërë pjesë e familjes por ja që ata nuk janë trajtuar në mënyrë meritore nga asnjë qeveri dhe ky mos trajtim meritor duhet të marr fund. Shumë prej tyre janë dergjur e po dergjen burgjeve me pa të drejt dhe qeveritë tona duhet të marrin masa që kjo padrejtësi ndaj çlirimtarëve të marr fund sa më parë e përgjithmonë. Gjatë intervistës së dhënë për Radion Kosova e Lirë, motra e dëshmorit të kombit, Astrit Suli, Mimoza Hekuran Suli ka theksuar më tutje se “qeveritë duhet të jenë të vetëdijshme e të mendojnë se pa gjakun e dëshmorëve, gjymtyrët e invalidëve, sakrificën e çdo Çlirimtare të vërtetë të UÇK-së, nuk do ishin në ato karrige të qeverisë ! Prandaj ka ardhur koha të zgjohen nga gjumi i rëndë e të mendojnë pak për ata djem që luftuan me gjithë shpirt kundër okupatorit serbë, sepse nuk janë trajtuar ashtu si meritojnë çlirimtarë”.  Mimoza Hekuran Suli ka shtuar më tutje se e çmon ndarjen e dekoratave nga autoritetet më të larta të Shqipërisë e Kosovës për dëshmorët por edhe më mirë do të ishte që qeveritë e institucionet më të larta të të dyja shteteve, të angazhohen për realizimin e amanetit të Dëshmorëve të Kombit për bashkim kombëtar. “Realizimi i këtij ideali më të lartë kombëtar do të ishte mirënjohja më e mirë për të gjitha Dëshmorët e Atdheut pasi ata falën jetën për realizimin e kësaj aspirate shekullore” ka porositur Mimoza Hekuran Suli, motra e dëshmorit të kombit, Astrit Sulit, i rënë në krye të detyrës gjatë luftës për çlirimin e Kosovës, më 27 maj të vitit 1999.

Kontrolloni gjithashtu

Shaip Kamberi

Gjykata në Serbi ka vendosur të ripërsëriten zgjedhjet në Tërnoc të Bujanocit ku pritet që Shaip Kamberi të zgjidhet deputet

Shaip Kamberi është kandidati i vetëm shqiptar që ka mbetur në garë dhe ka gjasa …