leoni

MINISTRI BYTYQI MORI PJESË NË CEREMONINË E NËNSHKRIMIT TË PROGRAMIT TË BE-SË “EVROPA KREATIVE”

28/06/2018 Institucionet

Ministri i Arsimit, Shkencës dhe Teknologjisë, Shyqiri Bytyqi, ka marrë pjesë në ceremoninë e nënshkrimit të Programit “Evropa Kreative” (program i Bashkimit Evropian), me ç’rast u bë edhe prezantimi i projektit të përzgjedhur “Kultura për Ndryshim”. Ministri Bytyqi e vlerësoi këtë si një ngjarje e rëndësisë së veçantë, pasi që theksoi faktin se ditë më parë, bashkë me ministrin e Kulturës, Kujtim Gashi, në Bruksel kanë nënshkruar me Bashkimin Evropian dy marrëveshje të rëndësishme për arsimin dhe kulturën. “Marrëveshja ndërmjet Bashkimit Evropian dhe Kosovës mbi pjesëmarrjen e Kosovës në “Erasmus+”, programi i Unionit për arsim, trajnim rini dhe sport dhe marrëveshja mbi pjesëmarrjen e Kosovës në programin “Evropa Kreative”, janë dy marrëveshje shumë të rëndësishme për Kosovën, sepse e hapin perspektivën e ndërkombëtarizimit të arsimit dhe të kulturës së Kosovës dhe e bëjnë shumë më të lehtë rrugëtimin drejt integrimit evropian dhe të rinjtë tanë në veçanti”, tha ai. Ministri Bytyqi shprehu falënderime për Bashkimit Evropian për këto mundësi që po i japin Kosovës për të realizuar synimet evropiane, zhvillimin ekonomik e social, duke krijuar kështu barazi mes të rinjve kudo në Evropë dhe duke ju dhënë mundësi atyre dhe komunitetit artistik që të shkëmbejnë përvojat, të ruajnë vlerat e diversitetit kulturor e gjuhësor. “Zotohemi se do t’i shfrytëzojmë maksimalisht këto mundësi në të mirë të vendit tonë dhe duke dhënë njëkohësisht edhe ne kontributin për të mirën e përgjithshme evropiane”, theksoi ministri Bytyqi. Ndërsa, Genoveva Ruiz-Calavera, drejtore për Ballkanin Perëndimor në Drejtorinë e Përgjithshme për Negocimet e Lagjes dhe Zgjerimit në Komisionin Evropian, me këtë rast theksoi se, të rinjtë e Kosovës dhe komuniteti i artistëve, më nuk do të kenë pengesa në këmbimin e përvojave me vendet e BE-së.

Kontrolloni gjithashtu

Kryetari Haliti i nderon me mirënjohje të pensionuarit Agush Hasani dhe Samet Zuka

Kryetari i komunës së Vitisë, Sokol Haliti, së bashku me drejtoreshën e Arsimit në Viti, …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara