leoni

Ministri Bytyqi priti drejtorin e edukimit botëror për regjionin e Evropës

26/02/2019 Institucionet

Ministri i Arsimit, Shkencës dhe Teknologjisë, Shyqiri Bytyqi, priti në takim drejtoren e Edukimit Botëror për Regjionin e Evropës (ETUCE), Susan Flocken, e cila njëkohësisht është edhe përfaqësuese e internacionales botërore në EQAR, si dhe anëtare e Këshillit Ekonomik Evropian. Në këtë takim, ishin prezent edhe udhëheqësit e Sindikatave të Arsimit të Kosovës dhe Shqipërisë, Rrahman Jasharaj dhe Nevrus Kaptelli. nNë këtë takim u bisedua për angazhimet e përbashkëta të të gjithë akterëve në funksion të përmirësimit të cilësisë në arsim. Ministri Bytyqi, me këtë rast, ka falënderuar zonjën Flocken për vizitën dhe gatishmërinë e saj që të ofrojë mbështetje, sidomos në këmbimin e përvojave dhe praktikave më të mira të vendeve të zhvilluara. Ministri Bytyqi theksoi se MAShT është e përkushtuar në ngritjen e cilësisë në arsim përmes reformave që po bëhen në segmente të rëndësishme, ndërsa theksoi nevojën dhe rëndësinë e veçantë të dialogut social të të gjithë akterëve, me qëllim që të arrihen synimet për arsim të zhvilluar. Zonja Flocken e përgëzoi ministrin Bytyqi për qasjen pozitive në realizimin e reformave të nevojshme në arsim, ndërsa, ndër të tjera, theksoi rëndësinë e digjitalizimit në arsim, me qëllim të aplikimit të metodave bashkëkohore në mësimdhënie dhe mesimnxënie. Gjithashtu, ajo theksoi domosdoshmërinë e trajnimeve të vazhdueshme të mësimdhënësve, si faktor i rëndësishëm për ofrimin e një arsimi cilësor. Në takim, u theksua se, një arsim cilësor është kusht thelbësor për parandalimin e braktisjes së vendit nga të rinjtë.

Kontrolloni gjithashtu

1 maj 1990 – Kuvendi i Pajtimit te “Verrat e Llukës”

34 vite më parë, me 1 maj 1990 u mbajt Kuvendi Gjithëkombëtar i Pajtimit të …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara