MINISTRI BYTYQI PRITI EKSPERTEN E BANKËS BOTËRORE NICOL SAGINOR

08/05/2018 Institucionet

Ministri i Arsimit, Shkencës dhe Teknologjisë, Shyqiri Bytyqi priti në takim eksperten e Bankës Botërore, Nicol Saginor, e cila është e angazhuar për procesin e Vlerësimit të Performancës së Mësimdhënëseve (VPM), me të cilën ka biseduar për ecurinë e këtij procesi dhe rëndësinë që ka ky proces në sistemin arsimor të Kosovës. Ministri Bytyqi me këtë rast tha se, vlerësimi i performancës i motivon mësimdhënësit për punë dhe kreativitet, si dhe i nxitë ata për ndjekjen e trajnimeve për zhvillimin e aftësive të tyre. Ministri Bytyqi po ashtu ka thënë se,VPM ndihmon matjen e arritjes së objektivave të secilit mësimdhënës, duke rritur mundësitë për një rezultat përfundimtar të suksesshëm. Ndërsa, zonja Saginor ka prezantuar të gjeturat e punëtorisë pesëditore dhe angazhimet e saj si eksperte në këtë proces, ndërkaq ka theksuar se sa i përket performancës së mësimdhënësve nuk është i mjaftueshëm vetëm zhvillimi profesional, pa një sistem të llogaridhënies i cili gëzon mbështetjen e Ministrisë së Arsimit. Saginor ka bërë të ditur se grupi me të cilin ka punuar ka trajnuar inspektorët në fushën e menaxhimit të procesit të llogaridhënies. Ministri Bytyqi dhe Saginor u dakorduan që procesi i VPM-së të fillojë në shtator të këtij viti.

Kontrolloni gjithashtu

Kryetari Latifi në 25-vjetorin e rënies, ka nderuar kujtimin për luftëtarin e UÇK- së dhe dëshmorin e kombit, Sadri Fazli Krasniqi

Kryetari i komunës së Rahovecit Smajl Latifi, bashku me familjarë, bashkëpunëtorë e miq, në 25-vjetorin …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara