Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ministri i Drejtësisë, Prof. Dr. Hajredin Kuçi, sot ka zhvilluar një takim me Udhëheqësin e Operacioneve Civile të BE-së, Kenneth Deane, Përfaqësuesin Special të Bashkimit Evropian në Kosovë dhe njëkohësisht shefin e zyrës së BE-së, z. Samuel Zbogar si dhe Shefin e Misionit të EULEX-it në Kosovë, Gabrielle Meucci. Ministri Kuçi vlerësoi bashkëpunimin që institucionet e Kosovës, në veçanti Ministria e Drejtësisë kanë pasur dhe vazhdojnë ta kenë me EULEX-in në Prishtinë dhe falënderoi përfaqësuesit e Bashkimit Evropian në Kosovë për mbështetjen e vazhdueshme në fushën e drejtësisë. Gjatë këtij takimi u diskutua për punën e Misionit EULEX në Kosovë, bashkëpunimin me institucionet e Kosovës me qëllim të forcimit të sundimit të ligjit, si dhe për hapat e ardhshëm pas qershorit 2016 lidhur me mandatin e EULEX-it. Gjithashtu, palët u pajtuan për koordinim të mëtutjeshëm të aktiviteteve të përbashkëta në mes të institucioneve të drejtësisë dhe EULEX-it, me qëllim të forcimit të sundimit të ligjit në vend.
