Ministri i Mbrojtjes z. Rrustem Berisha priti sot në takim ish-presidentin e Republikës së Kosovës z. Fatmir Sejdiu

Ministri i Mbrojtjes z. Rrustem Berisha priti sot në takim ish-presidentin e Republikës së Kosovës z. Fatmir Sejdiu

Ministri i Mbrojtjes z. Rrustem Berisha priti sot në takim ish-presidentin e Republikës së Kosovës z. Fatmir Sejdiu. Në takim ishin të pranishëm edhe komandanti i FSK-së gjenerallejtënant Rrahman Rama dhe shefi i kabinetit të Ministrit z. Jashar Ramadani. Ministri Berisha së pari e falënderoi ish- presidentin Sejdiu për vizitën dhe për kontributin e tij në rrugëtimin e shtetit të Kosovës, e në veçanti të FSK-së, dhe më pas e njoftoi me zhvillimet e përgjithshme në MM dhe FSK, si tranzicionin e FSK-së në ushtri dhe zyrtarizmin e Ministrisë së Mbrojtjes. Ndërsa, ish presidenti Sejdiu, pasi e falënderoi ministrin Berisha për pritjen, ai njëherësh uroi ministrin dhe komandantin e FSK-së, gjeneral Ramën, për zyrtarizimin e ushtrisë dhe Ministrisë së Mbrojtjes, duke ju dëshiruar zhvillim të shpejtë në ngritjen e kapaciteteve ushtarake,  siç u shpreh ai, si element kryesor i konstituimit të shtetësisë së Kosovës. Ish- presidenti Sejdiu vazhdoi vizitën e tij edhe në kazermën „Adem Jashari“ të Forcës së Sigurisë të Kosovës.

 

Kontrolloni gjithashtu

Tajar Kağan Ataj: 100-vjetori i marrëdhënieve diplomatike Turqi-Shqipëri, shënon një periudhë e veçantë në mes të dyja vendeve

Tajar Kağan Ataj: 100-vjetori i marrëdhënieve diplomatike Turqi-Shqipëri, shënon një periudhë e veçantë në mes të dyja vendeve

Duke folur për Agjencinë Anadolu, ambasadori i Turqisp, në Tiranë, Tajar Kağan Ataj   vlerësoi marrëdhëniet, …