tv dielli
MIT
kek
Airport Adem Jashari
Fillimi / Institucionet / Ministri Mustafa takoi drejtuesit e Odës Ekonomike Gjermano – Kosovare

Ministri Mustafa takoi drejtuesit e Odës Ekonomike Gjermano – Kosovare

Ministri i Bujqësisë, Pylltarisë dhe Zhvillimit Rural, Besian Mustafa ka pritur në takim drejtoreshën menaxhuese të Odës Ekonomike Gjermano – Kosovare, Nora Hasani bashkë me Arten Bajrushi, anëtar i bordit të kësaj ode dhe përfaqësues i kompanisë “Sharrcem”, me të cilët ka biseduar për bashkëpunimin në fushën e bujqësisë, si dhe për zhvillimet e përgjithshme në këtë fushë. Ministri i njoftoi ata me politikat bujqësore të ministrisë për këtë mandat, me ç’rast theksoi se në fokus do të jetë fuqizimi dhe avancimi i mëtejmë i sektorit të bujqësisë, duke përfshirë këtu mbështetjen edhe për agrobizneset vendore. Ai shprehu gatishmërinë për bashkëpunim të mëtutjeshëm me Odën Ekonomike Gjermano – Kosovare, me qëllim të rritjes së shkëmbimeve tregtare mes dy vendeve. Nga ana e saj, drejtoresha e OEGJK-së, Nora Hasani, e njoftoi ministrin me bashkëpunimin që kanë me organizatat ekonomike në Kosovë, si dhe bizneset e ndryshme dhe njëkohësisht shprehi gatishmërinë e saj që bashkëpunimi të thellohet në nisma konkrete.

Kontrolloni gjithashtu

ASB ndihmon QKMF në Malishevë me mjete mbrojtëse

Organizata gjermane ASB ka sjellë një donacion me mjetet mbrojtëse për personelin mjekësor të Qendrës ...