Ministria e Punëve të Jashtme të Kosovës ka shpërndarë një notë verbale në 130 shtete dhe në organizata ndërkombëtare, si në OKB, OSBE, Këshilli i Evropës, Bashkimi Evropian, Parlamenti Evropian, ku nga Fondi për të Drejtën Humanitare, të cilin e udhëheq Natasha Kandiq, i bëhet thirrje bashkësisë ndërkombëtare që të rrisë presionin dhe një vëmendje më të shtuar për mosndëshkimin e Serbisë për krimet e luftës dhe gjenocidin e kryer në Kosovë ndaj civilëve shqiptarë. Raporti i publikuar nga një organizatë e Serbisë tregon për fshehjen e krimeve që ky shtet ka bërë edhe pas përfundimit të luftës, duke i fshehur dhe duke i varrosur trupat e viktimave në varreza masive në Serbi, thuhet mes tjerash në notën verbale të Ministrisë e cila është shpërndarë më 31 janar, nëpërmjet ambasadave të Kosovës.
Kontrolloni gjithashtu
Andin Hoti: Serbia nuk po e zbaton deklaratën për personat e pagjetur, të nënshkruar me 2 maj të vitit të kaluar, në Bruksel
Kryetari i Komisionit Qeveritar për Personat e Zhdukur, Andin Ukshin Hoti deklaroi se Serbia nuk po …