Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Komisioni për Arsim, Shkencë, Teknologji, Kulturë, Rini dhe Sport, i kryesuar nga kryetari Nait Hasani, ka mbajtur mbledhjen e radhës, në të cilën u shqyrtua raporti me rekomandime për mbikëqyrjen e zbatimit të Ligjit për Arsimin Parauniversitar, si dhe Projektligji për ndryshimin dhe plotësimin e Ligjit për të drejtat e autorit dhe të drejtat e përafërta. Hasani, hapi diskutimin duke shprehur shqetësim për librat shkollorë që ishin dedikuar për shqiptarët në Preshevë, Bujanoc dhe Medvegjë, të cilat mbetën me muaj në Terminalin Doganor, duke kërkuar në emër të këtij komisioni, nga Ministri i Arsimit, Shkencës dhe Teknologjisë, sqarime rreth procedurës së dërgimit të librave. Ndër të tjera, ai foli edhe për mungesën e një komisioni të pavarur për kontrollimin e teksteve shkollore për minoritetin serb, për të vlerësuar nëse janë në përputhshmëri me Kushtetutën e Republikës së Kosovës. Komisioni në fund mori vendim që ky raport dhe rekomandimet e nxjerrja, të diskutohen me ministrin e Arsimit, Shkencës dhe Teknologjisë, në njërën nga mbledhjet e ardhshme.
