Në Gllogjan u përkujtua 26-vjetori i “Epopesë së Dukagjinit”

24/03/2024 Institucionet

Në fshatin Gllogjan të Komunës së Deçanit u përkujtua 26 vjetori i Epopesë së Dukagjinit dhe beteja e 24 marsit e vitit 1998 mes Ushtrisë Çlirimtare të Kosovës dhe forcave të shumta të Serbisë, të cilat u detyruan të largohen nga ky fshat. Për ta përkujtuar këtë betejë të lavdishme, që nga orët e hershme të mëngjesit, bashkëluftëtar të shumtë të dëshmorëve të kombit dhe mijëra qytetar liridashës kanë bërë homazhe në Kompleksin memorial në Gllogjan, ku shfaqën respekt dhe mirënjohje për dëshmorët e kombit, trupat e të cilëve prehen në këtë kompleks përkujtimor.

Kryetari i AAK-së, ish-komandanti i UÇK-së, Ramush Haradinaj tha se 26 vjet më parë u dërgua porosia se “shqiptarët do të luftojnë” dhe se “do ta fitojnë luftën”.

Haradinaj tha se “Gllogjani ndodhi për shkak të Prekazit”, duke iu referuar betejës 26 vjet më parë.

“Nuk jam prej atyre që servilosem për interesa të vogla, por jam prej atyre që e dua kombin tim, për të cilin kam dashtë me vdekë, por kanë vdekë tjerë në vendin tim – vëllezër e shokë”, tha ndër të tjera Kryetari i AAK-së dhe ish-komandanti i i UÇK-së për Zonën Operative të Dukagjinit, z. Ramush Haradinaj.

Kontrolloni gjithashtu

Me ftesë të kryetarit Kastrati udhëheqja e komunës së Meyrinit (Zvicër) po qëndron në Malishevë

Me ftesë të kryetarit të Komunës së Malishevës, Ekrem Kastrati, një delegacioni i komunës së …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara