Në Mitrovicë së shpejti nis punën objekti multi-funksional OMNI-Sport

30/03/2017 Institucionet

Drejtori i Drejtorisë për Kulturë, Rini dhe Sport në komunën e Mitrovicës, Fidan Ademi, drejtori i Urbanizmit dhe Planifikimit, Sami Zeka​ dhe arkitekti në këtë drejtori, Florent Abrashi, kanë vizituar objektin multi-funksional OMNI-Sport, për të parë nga afër se si po shkojnë punët e fazës përfundimtare, në këtë objekt.

Zyrtarët e lartë komunal, për zhvillimin e punimeve janë njoftuar nga arkitekti Bujar Mela, përfaqësues i Kompanisë Mbikëqyrëse të zgjedhur nga BE-ja, “Luis Berger”, pasi që BE është financuese e këtij projekti dhe nga përfaqësuesi i Kompanisë punëkryese “Rafi”, Sh. P.K.

Zyrtarët komunal vlerësuan se punët përfundimtare po zhvillohen mirë dhe se ato pritet të përfundojnë së shpejti, gjë që mundëson edhe funksionalizimin e objektit.

“Meqë punët përfundimtare mund ët kryhen shumë shpejtë, ne do të fillojmë aktivitetet tona për të qenë të gatshëm që në momentin që kryhen punimet, të menaxhojmë objektin dhe të filloj shfrytëzimi i tij nga sportistët dhe qytetarët. Po ashtu, në objekt do të funksionoj edhe biblioteka”, tha drejtori i DKR-së, Fidan Ademi.

Ai tha se me funksionalizimin e këtij objekti shumë-funksional, në Mitrovicë do të ketë kushte shumë më të mira për ushtrime dhe gara të sportistëve të komunës së Mitrovicës dhe për rekreacion të qytetarëve.

Objekti multi-funksional OMNI-Sporti, përfshinë, përveç bibliotekës, edhe pishinën olimpike, sallën për xhudo, sallën e karatesë, sallën për sporte të dorës (basketboll, hendboll, volejboll) dhe restorantin.

Kontrolloni gjithashtu

Kryetari Haliti i nderon me mirënjohje të pensionuarit Agush Hasani dhe Samet Zuka

Kryetari i komunës së Vitisë, Sokol Haliti, së bashku me drejtoreshën e Arsimit në Viti, …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara