Në Prizren, u përkujtua Heroi i kombit Pal Palucaj

Në Prizren, u përkujtua Heroi i kombit Pal Palucaj

Fotot dhe teksti: Lekë Mrijaj

Të pranishëm në Akademi përkujtimore për dëshmorin Pal Palucaj, në Qëndren e Kulturës “Xhemaili Berisha” në Prizren, kanë qenë familjarë, qytetarë të shumtë, deputet të Kuvendit të Kosovës, zyrtarë nga Qeveria e Kosovës, Kryetari i Komunës së Drenasit, z. Ramiz Lladrovci, nënkryetari i Prizrenit, z.Eqrem Mema, së bashku me zyrtarë komunalë e ish – komandant e ish- ushtarë të UÇK-së.

Akademia përkujtimore është organizuar nga Ministria e Kulturës dhe Organizatat e Dala  nga Lufta e UÇK-së.

Në këtë Akademi përkujtimore nga Klina morën pjesë edhe familjarë të dëshmorit të kombit, (Leonard Paluca, dëshmor i rënë në Koshare, e familjarë të martirit të kombit, Agron Paluca, që janë kushërinjë të dqshmorit Pal Paluca), si dhe intelektual të tjerë nga Forumi i Intelektualëve “Luigj Gurakuqi” Klinë, etj.

Programi i Akademisë përkujtimore dedikuar dëshmorit Pal Paluca, ka vazhduar me fjalime tjera (z. Pjetër Perlazri me një kumtesë, z. Kujtim Gashi, ministër kulture i Republikës së Kosovës, z. Eqrem Mema, nënkryetar i Prizrenit, z. Nehat Basha, ish-komandandant brigade i dëshmorit Pal Palucaj, z. Shemsi Rexhepi, vëllau i dëshmorit Bejtë Rexhepi e bashkëluftëtar i ngushtë i dëshmorit Pal Paluca, z. Isa Berisha, nga organizatat e dalura nga lufta e UÇK-së etj).

Me dekret të Presidentit të Kosovës dëshmori, Pal Paluca nga sot është shpallur edhe Hero i Kosovës, dekret i cili ju dorëzua familjes Paluca nga ana e ministrit z.Kujtim Gashi.

Pati edhe deklamime poetike e këngë rapsodike ( …edhe nga ana e Lekë e Gjokë Duhanit), dedikuar dëshmorit të kombit, Pal Paluca.

Kontrolloni gjithashtu

Komisioni për Politikë dhe Demokraci i Asamblesë Parlamentare të Këshillit të Evropës miraton raportin për kërkesën e anëtarësimit të Kosovës

Asambleja Parlamentare e Këshillit të Evropës ka shënuar një hap të rëndësishëm në procesin e …