Në seancën e radhës të Kuvendit të Kosovës e cila pritet të mbahet më 29 shtator, kryeministrin Isa Mustafa e presin dy interpelanca. Ky vendimi është marrë pas mbledhjes së Kryesisë së Kuvendit të Kosovës. Njëra nga interpelancat e kryeministrit Mustafa është thirrur sipas kërkesës së deputetit, Visar Ymeri, i mbështetur edhe nga 7 deputetë nënshkrues, në lidhje me kodin telefonik shtetëror të Kosovës. Ndërsa interpelanca tjetër është thirrur sipas kërkesës së deputetit të Vetëvendosjes, Ismajl Kurteshi, i mbështetur edhe nga 10 deputetë nënshkrues, në lidhje me situatën aktuale politike në pjesën veriore të Kosovës.
![Kryeministri Isa Mustafa](https://www.radiokosovaelire.com/wp-content/uploads/isa-mustafa-1-shtator-kuvend-660x330.jpg)