Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Në botë kishte dhe ka vende ku qeveritë ndërroheshin dhe ndërrohen qoftë me revolucion qoftë me grusht-shtete, me mocione dhe në mënyra të ndryshme, sidomos në shtetet jo demokratike. Mirëpo pak kohë më parë një gjë e tillë ndodhi edhe në Turqi kur me anë të grusht-shteti, forcat kundërshtare të regjimit deshën t’i përmbysin organet legjitime shtetërore. Mirëpo populli i Turqisë tregoi heroizëm të pa parë dhe tregoi se si duhet të mbrohet shteti, qoftë edhe me gjoks, ashtu sikur bëri, Mic Sokoli.
Kurse në Shqipëri gjërat mundë të jenë nga gjithë fare dhe vështir se njeriu mundë të imagjinojë sepse për këtë kujdesën Sali Berisha dhe pinjolli i tij Lulzim Basha. Për këto dy figura “famoze” nuk di edhe çka mbetur pa u shkruar e pa u thënë, por as që ua kanë lënë shenjë në kokat tyre të cilave vërtet as neuro-psikiatrët më të njohur botërorë nuk do mundë tua diagnostifikojnë sëmundjet e tyre nervore. Në të kaluarën e largët kur ndihej mungesa mjekësore, në pamundësi për ti mjekuar, populli për ata njerëz thonin: “janë bërë për hajmali”.
Deri para vitit 2013 i vetmi Edi Rama u doli për ballë këtyre dy figurave amorfe politike. Mirëpo përballja e tyre ishte më se tragjike kur në Janar të vitit 2011 forcat qeveritare të Berishë vranë 4 demonstrues pa pikë faji. Nga ky moment Edi Rama thuaja se ngeli i vetmuar dhe sipas mendimit të Salos dhe Lulushit i gjunjëzuar. Mirëpo thuhet një fjalë e urtë popullore: “miku i mirë në ditë të vështira”. Në Qershor të vitit 2013 populli e shpërblen Edi Ramën duke i dhënë një fitore të lartë, dhe duke i dhënë grushtin e parë Sali Berishës. Populli i Shqipërisë këtu doli me një kulturë të pa parë dhe duke i marrë të gjithë frenjtë në dorë. Por popullit kur ka kush ti prijë për së mbari nuk ndalët, kjo u pa kur i dha grushtin e radhës, Lulzim Bashës të cilin e lënë pa asnjë funksion shtetëror, por Sala angazhon për lider të PD-së. Nga këto humbje PD-ja e udhëhequr nga Luli pësoi edhe disa humbje si në qytetet : Korçë,Dibër dhe Kolonjë. Me ç’rast u pa qartë se PD-ja me këta lider nuk ka më çfarë të kërkoi nga populli i Shqipërisë.
Lulzim Basha dhe Sali Berisha tanimë u bë e qartë se më për mes popullit nuk mundë të qeverisin. Të tërbuar për të ardhur në pushtet zgjedhin metoda nga më të ndryshmet, pa dalë në votime. Nëse bëhet një analizë me rrezet e Rentgenit diagnoza del : grusht-shtet i heshtur. Si erdhi deri te kjo strategji?. Që në fillim kërkuan zgjedhje elektronike, sepse me ndihmën e tyre manipulimi do ishte më i lehtë. Ashtu siç ndodhi në SHBA kur kibernetika Ruse e zgjodhi presidentin. Kurse unë po e përshkruaj rastin tim elektronikë: vitin e kaluar kur doja të votoja për Shqipërinë në këngën e Eurovizionit vota ime nuk shkoi. Aty jam bindur se më nuk ka të sigurt në votim elktronik. Mirëpo në Shqipëri për një votim i tillë elektronikë ishte më se e pa mundur për shkak të kohës së shkurtër. Por këta dy lider gjithnjë duke iu shmangur votimit të drejtpërdrejt nga populli filluan të paraqesin kushte të tjera të pa imagjinuara. E fundit dhe ultimative ishte krijimi i një qeverie teknike dhe me largimin e Edi Ramës nga qeveria. Nga ky ultimatum tejet i pa kuptimtë fillon në një situatë tejet të pa këndshme dhe me tendenca të eskalimit të situatës. Nga kjo frikë u anagazhua edhe BE-ja e cila i ofronte koncesione nga më të ndryshmet, madje edhe Edi Ramë i pranoi këto lëshime. Nuk thonë kot se “kafshata e madhe ta zë fytin”. Por as me këto lëshime këta dy lider të PD-s nuk u kënaqën sepse vetëm nëse ata e kanë qeverinë në dorë mundë të bëjnë atë çka kanë bërë në të kaluarën. Situata sa vinte elektrizohej me tension të lartë. Me ç’rast paralajmëruan një protest masive më 13 Maj 2013…. Atë mesditë pritej një protestë masive. Mirëpo ndodhi ajo që vetëm populli i kulturuar i Shqipërisë di të bëjë, dhe kur as kush nuk e priste më së paku, dy liderët “famozë” me tërë kuptimin e fjalës dështuan, edhe pse paraqiten para opinionit dhjetëfishin e numrave . Nga kjo kulturë e lartë e popullit të Shqipërisë duhet të marrin mësim të gjithë Shqiptarët se si duhet të votohet.
Dhe së fundmi mund të konkludojmë se Lulzim Basha dëshiroi një qeveri teknike pa vullnetin e populli, e gjasonte në një grusht-shtet të heshtur përfundimisht, dhe kjo dështoi. Kësaj duhet shtuar edhe zërat tepër inkurajues nga dy deputetet ambicioze të PD-së Jozefina Topalli dhe Majlinda Bregut të cilat hapur po e shprehin mendimin ndryshe nga këta dy liderë. Kësi mendimi ndryshe kishte edhe Eduard Selami, por është e habitshme heshtja e Astrit Patozit. Në këtë dështim të protestës deshën të marrin pjesë edhe disa qytetarë nga Kosova sidomos nga Mitrovica. Këtyre qytetarëve nga Mitrovica duhet t iu themi rehatojeni njëherë qytetin e juaj, e pastaj shkoni në Tiranë.
