Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Përplasja politike për konstituimin e Kuvendit po merr përmasa të reja, duke rrezikuar të bartet nga salla e parlamentit në rrugë. Të përballur me kushtëzimin e procesit konstituues me një marrëveshje për zgjedhjen e presidentit, përfaqësues nga opozita kanë paralajmëruar kalimin në veprime jashtë institudionale dhe mobilizim qytetar. Në radhët e PDK-së dhe AAK-së po rriten zërat se rrugët ligjore e parlamentare nuk po japin më rezultat. Deputeti i PDK-së, Mërgim Lushtaku, u shpreh se dërgimi i lëndëve në Gjykatën Kushtetuese nuk ka më kuptim, pasi sipas tij ka pasur shkelje të përsëritura pa asnjë pasojë. Po nga kjo parti, deputeti Artan Behrami bëri thirrje të drejtpërdrejtë për protestë, ndërsa deputeti i AAK-së, Bekë Berisha, kërkoi mobilizim të gjithanshëm për ta ndalur këtë proces “si në Kuvend, ashtu edhe në rrugë”.
