Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Panairi ” Dyert e Hapura”, organizuar nga Qendra e Kompetencës ” Kujtim Krasniqi”, bënë bashkë, institucionet publike të Komunës së Malishevës, bizneset e sektorit privat që zhvillojnë veprimtarinë e tyre, profesorët e kësaj qendre profesionale dhe nxënësit. Nënkryetari i Komunës së Malishevës, Vesel Krasniqi me bashkëpunëtorët e ekzekutivit dhe përfaqësues të kuvendit komunal, mori pjesë në këtë panair dhe nga fjala e tij veçojmë. ”Pikërisht, më 2 qershor, Kujtim Krasniqi, ra për çlirimin e vendit, për lirinë e Kosovës, shkollës shqipe, prandaj sot ju mësimdhënës dhe nxënës, biznese private të komunës sonë, kemi obligim para këtij brezi të bashkohemi dhe të punojmë fortë për të ardhmen e fëmijëve tanë, ne nga institucionet publike nuk do të kursejmë asgjë vetëm e vetëm të krijojmë zhvillim ekonomik, mirëqenie familjare sepse kur bashkëinvestojmë në resurset humane tonat, ne përmbushim një pjesë të përgjegjësive tona”. Në këtë frymë mesazhi ishte edhe drejtoresha e arsimit, Arbëreshë Krasniqi ”Ky bashkëpunim edhe më do të vazhdoi dhe bëri thirrje për bizneset të inkuadrojnë më shumë të rinj e të reja në praktikat e punës profesionale sepse janë tejet të gatshëm për tregun e punës”. Edhe drejtori i QK” Kujtim Krasniqi” u zotua për punë me ekipin profesional të mësimdhënësve në të gjitha profilet që zhvillohen edhe nga ”Qendra për Karrierë”, që funksionon brenda kësaj shkolle. Në fund u vizituan të gjithë profilet dhe sektorët prodhues që sot ishin prezantuar nga dijet e nxënësve në këtë panair.
