Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Pasi kryetari serb, Aleksandar Vuçiq ka nënshkruar marrëveshje me homologun rus, Vladimir Putin për gazin rus ka reaguar ashpër edhe zonja Vjosa Osmani. Lidhur me këtë marrëveshje, ajo ka thënë se Vuçiqi pas ka zgjedhur që t’i bashkohet një krimineli lufte. “Vendimi i qëllimshëm i Vuçiqit për të marrë anën e Rusisë është një goditje për perspektivat e Serbisë për të ecur në rrugën e BE-së. Ai ka zgjedhur të bashkohet me një kriminel lufte dhe të financojë luftën e Putinit, mbi një Evropë të bashkuar, paqësore dhe të begatë. BE-ja nuk mund të injorojë më rrugën shkatërruese që ka marrë”, ka shkruar zonja Osmani, duke pretenduar ta mësojë Evropën se si u dashka të sillet me Serbinë dhe Rusinë dhe duke qortuar Serbinë pse po e zgjedh Rusinë dhe jo BE-në. Kjo është pjekuria e diplomatike e politike e zonjës, Vjosa Osmani. Kohë në parë edhe kryeministri i Kosovës, Albin Kurti, ka bërë një distancim nga veprimet kriminale të Vuçiqit gjatë luftës në Kosovë, duke e fajësuar për krimet urdhërdhënësin Millosheviq dhe jo ministrat e tij si puna e Vuçiqit, ministër i informimit, gjatë luftës, truproje i Sheshlit dhe kriminel lufte.
