Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Në fshatin Selac të Shalës së
Bajgorës, sot është përuruar hidrocentrali ‘Albaniku III’, i cili do të ketë një
kapacitet prej 4.3 megavatësh. Krye-investitori, Gani Nuhiu, tha se ndihet i nderuar
që të shpalos një punë që është bërë me shumë mund dhe sakrificë. Ai shtoi se
ky hidrocentral u financua edhe nga diaspora. Sipas tij, ky hidrocentral do të
ketë një shtrirje të rrjetit prej 8.3 kilometra dhe do të lidhet me gjigantin
metalurgjik ‘Trepça’. I pranishëm në përurim ishte edhe kryekuvendari, Kadri
Veseli, i cili tha se ky investim do të ndikojë jo vetëm në zhvillimin ekonomik
të zonës, por do të jetë me rëndësi edhe për turizmin. Ai, me këtë rast, u ka bërë
thirrje qytetarëve në diasporë që të vijnë dhe investojnë në Kosovë, duke
shtuar se institucionet do t’i përkrahin ata.
