Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Policia e Kosovës ka njoftuar se do ta shtoj personelin e saj në pikat kufitare gjatë festave të fundvitit. Në njoftimi thuhet se ky vendim është marr me qëllim që mërgimtarët tonë që vijnë për festa në vendlindje, të mos presin gjatë në pikat kufitare, sidomos ato me Serbinë. “Policia e Kosovës bazuar në obligimet që dalin nga ligjet e vendit, është çdo herë e angazhuar në realizimin e detyrave të përgjithshme, për të ofruar rend e qetësi publike, për të siguruar liri të lëvizjes e për të mbrojtur të drejtat e qytetarëve pa dallim. Po ashtu policia edhe në pikat e kalimit kufitar ka ndërmarrë hapa konkret përfshirë edhe shtimin e personelit policorë për të përballuar më shumë kalime kufitare se ditëve të tjera. Të gjitha angazhimet policore në terren, përfshirë ato kufitare do të zbatohen sipas procedurave të parapara ligjore, me qëllim të ofrimit të sigurisë, ruajtjes së rendit e qetësisë publike si dhe mundësimit të qarkullimit dhe lëvizjes së lirë të qytetarëve”, thuhet në komunikatën e policisë.
