Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Presidentja e Komisionit Evropian, Ursula von der Leyen do të takohet me udhëheqësit e vendeve të Ballkanit Perëndimor, me 19 shtator në Bruksel. Njoftohet se qëllim kryesor i këtij takimi është diskutimi për agjendat e reformave dhe rritjes, të cilat gati të gjitha vendet e rajonit të Ballkanit Perëndimor i kanë dorëzuar në Komisionin Evropian, si parakusht për të pranuar pagesat e para nga Plani i Rritjes për Ballkanin Perëndimor, i miratuar nga Bashkimi Evropian, në maj të këtij viti. Njoftohet se vendi ynë ka qenë në mesin e shteteve të para që e ka dorëzuar planin e saj në Komisionin Evropian. Mendohet se Kosova do të mund të përfitojë mbi 880 milionë euro nga Plani i Rritjes, 250 milionë euro prej të cilave, Kosovës do t’i ndahen si para pa kthim, ndërsa pjesa tjetër në formën e kredive të volitshme.
