MIT
kek
Airport Adem Jashari
Fillimi / Lajmet / Probleme rreth zgjidhjes së çështjes së fshatit Suhadoll në veri të Kosovës
Agim Bahtiri

Probleme rreth zgjidhjes së çështjes së fshatit Suhadoll në veri të Kosovës

Problemi ikufirit administrativ që ndanë dy komunat e qytetit të Mitrovicës, atë jugore dhe atë veriore, tash e sa kohë është shndërruar në objekt kundërshtimesh ndërmjet zyrtarëve që drejtojnë të dy këto komuna. Drejtuesit e komunës së Mitrovicës së jugut këmbëngulin se fshati Suhodoll, i cili është në anën veriore të lumit Ibër, që ndan jugun dhe veriun e Mitrovicës, i takon komunës jugore, ndërkohë që të kundërtën e thonë drejtuesit e komunës veriore. Agim Bahtiri, kryetar i Komunës së Mitrovicës së jugut, e banuar me shumicë shqiptare, duke folur për Radion Evropa e Lirë, thotë se i gjithë problemi ka të bëjë me faktin se komuna veriore e Mitrovicës, e dëshiron një pjesë të territorit që i takon komunës jugore. Bahtiri thekson se sipas Dokumentit të Ahtisaarit, i cili ishte edhe bazë për shpalljen e pavarësisë së Kosovës dhe përpilimin e Kushtetutës së vendit, fshati Suhodoll, i ndarë në të epërm dhe të poshtëm, i ka takuar komunës jugore, ndërkohë që kufiri administrativ, që e shënon ndarjen me komunën veriore, është përtej shtëpive të këtij fshati. Me komunën veriore, sipas tij, kanë mbetur vetëm tokat që janë pronë e banorëve të Suhodollit.

Kontrolloni gjithashtu

LDK dhe Vetëvendosje thonë se paratë për autostradën e Dukagjinit do të ridestinohen, AAK thotë autostrada do të ndërtohet

LDK dhe VV thonë se paratë për autostradën e Dukagjinit do të ridestinohen, AAK thotë autostrada do të bëhet

Lidhja Demokratike e Kosovës dhe Lëvizja Vetëvendosje janë shprehur kundër ndërtimit që Autostradës së Dukagjinit. ...