Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ju jeni zëri i fjalë së lirë Me emrin tuaj Kosova e Lirë Ju viganë qëndrese ballë breshërisë I pritet plumbat me zërin e lirisë. As bomba e raketa nuk ju lakuan Por edhe më shumë tingujt jehuan Ju flet, ju flet Kosova e Lirë Forcën, durimin, qëndresën bashkuan. Edhe sot ju ashtu, të fortë, krenarë Sfidave gjithmonë dini t’u bëni ballë E çdo përvjetor që vjen e shkon Juve edhe më shumë ju bën krenar. Se ju depërtoni në çdo vatër shqiptare Në çdo shtëpi me trima çlirimtarë Se ju vetë jeni fjala e lirë Ashtu siç dëshmorët deshën lirinë. Ju gjëmimin dhatë qiellit ane mbanë Ju flet Kosova e Lirë edhe zogjtë thanë Edhe breshëria e zërit kumbues Jehoi e jehon edhe sot anë e mbanë.
Marsi i lavdisë, Marsi i nënave dhe pishtarëve të diturisë
Një tufë me lule për festën tënde
Nënë e blej unë për ty dhe ti e di
Lulen më të bukur të rritur me kujdes
Ashtu si më rrite mua nënë ti.
Nënëza ime unë uroj për ty
Prehje të qetë mes lulesh e gjelbërimit
Urimet më të sinqerta i dërgoj me mall
Për nënat e martirizuara që prehen në kopshtet e amshimit.
Në këtë muaj të lavdisë së madhe
Ku u bënë bashkë lotë e krenari
Për Ju nëna kudo që jeni rruzullimit
Prore do të këndojmë këngë e simfoni.
E për Ju mësues, pishtarë të dijes
Që edukuat breza për atdhe e ardhmëri
Vargjet e këngët vijnë gërshetuar
Me shumë respekt e dashuri.
Epope lavdie në 16 vjetorin e pavdekësisë
Vitet rrjedhin e rrjedhin
Mbi mermerin ku preheni Ju
E të ri mbetët Ju përherë
Për ju nuk ka moshë e as pleqëri
Ju gjithmonë mbeteni të ri.
Faqet e historisë i shkruat Ju moti
Kur me trimërinë tuaj u mposht frika e loti
Me guximin, durimin e sakrificën
Lartësuat atdheun, djepin ku u rritët
E kurrë nuk u zbrapsët, të thoni jo nuk ditët.
Nënëlokja e babëloku pas u ndoqën
Gra e fëmijë me Ju në krah qëndruan
Bashkë në jetë, në luftë e në pavdeksi
Se ashtu trimat shkojnë drejt lavdisë
Pa vaje e kujë, po veç me krisma e burrëri.
Lavdi veç lavdi juve pishtarë
Që si jetohet e dëgjoi bota mbarë
Se jo për Ju vdekje jo nuk pati
Por burrërisht si lisat iu qëndroi shtati
Edhe kur plumbat i pritët, prapa nuk u kthyet.
Në këtë përvjetor të pavarësisë
Ju nderojmë Ju që ratë për këtë dhe
Për Ju nderimet e respekti për çdo përvjetor
Për gjakun tuaj lavdi e pavdekësi
Plot 15 vite liri e 6 vite pavarësi
Ju na i hapët këto shtigje me guxim e trimëri.
E kujt më shumë përveç se Ju sot u këndohet
E kujt më shumë përveç se Ju, ju thuret kurorë lavdie
Ju dhe vetëm Ju që dhatë krejt çka patët
Ju dhe vetëm Ju dëshmorë të kombit
Jeni liria, paqja, pavarësia.
Mbi këtë qiell të gjithësisë
Mbi këtë faqe dheu të rruzullimit
Në këtë vend me lot e gjak njomur
Nga nënat që derdhën mbi varre trimash
Sot çelin lule lirie, cicërojnë zogjtë tinguj lumturie.
E jehona larg, larg jehon e kumbon
E botën e përgjumur me jehonë e zgjon
E mesazhe urimesh për ditën e pavarësisë çon
E vetëm lumturi kërkon ky dhe për ne
Që kurrë, kurrë më mos ketë re mbi këtë dhe
Po veç paqe e këngë e plot hare.
