Rama: Në prill do të shfaqen të rilindura thesaret e Parkut Arkeologjik të Apollonisë

Rama: Në prill do të shfaqen të rilindura thesaret e Parkut Arkeologjik të Apollonisë

Kryeministri shqiptar Edi Rama, përmes një postimi bëri të ditur se në muajin prill do të shfaqen të rilindura thesaret e Parkut Arkeologjik të Apollonisë, pas ndërhyrjes restauruese që janë bërë. “Mirëmëngjes dhe ju uroj një ditë të mbarë me këtë imazh ikonik të Parkut Arkeologjik të Apollonisë. Kam kënaqësinë t’ju njoftoj se në prill do të shfaqen të rilindura thesaret e këtij parku, pas ndërhyrjes më të madhe restauruese të 30 vjetëve të fundit, e cila u ndërmor qysh prej janarit 2016 nga një skuadër ekspertësh të spikatur”, shkruan kryeministri. Ky restaurim shembullor, vijon ai, ka përfshirë monumentet brenda hapësirës së Manastirit bashkë me Portikun e Statujave, Trapezarinë, Kishën, depon Arkeologjike, Muzeun, dhe hapësirat panoramike përreth kësaj zone. Parku Arkeologjik i Apollonisë do të ketë Portën e Jugut si hyrjen e tij të re, ku ju sugjeroj të mos e humbisni rastin për të hyrë në një botë magjepsëse, ka theksuar Rama.

Kontrolloni gjithashtu

21 vjet nga masakra mizore e civilëve shqiptarë në Mejë të Gjakovës nga forcat policore e ushtarake serbe

Procedurat ligjore për krime të luftës, që ka kryer Serbia në Kosovë, kanë shkallë tejet të ulët të përfundimit me aktgjykime

Procedurat ligjore për krime të luftës, që ka kryer Serbia në Kosovë, vazhdojnë të kenë …