Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Aleanca për Ardhmërinë e Kosovës i ka cilësuar si manovër politike ofertat e kryeministrit Albin Kurti drejtuar partive opozitare, duke vlerësuar se qëllimi i vërtetë është dërgimi i vendit në zgjedhje të parakohshme. Kryetari i Aleanca për Ardhmërinë e Kosovës, Ramush Haradinaj, deklaroi se këto nuk janë oferta reale për bashkëpunim, por përpjekje për të mbuluar përgjegjësinë politike të qeverisë. Sipas tij, Kurti i ka pasur të gjitha mundësitë për të siguruar zgjedhjen e presidentit në kohë, por nuk i ka shfrytëzuar, duke zgjedhur tani të fajësojë opozitën për situatën e krijuar. Haradinaj tha se vendimi për t’u kthyer sërish në zgjedhje është marrë prej kohësh dhe se zhvillimet aktuale vetëm po e konfirmojnë këtë skenar. Ai shtoi se qytetarët nuk duhet të bien pre e, siç u shpreh ai, taktikave për të shmangur përgjegjësinë institucionale.
