Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Deputeti i AAK-së, Ramush Haradinaj, ka akuzuar kryeministrin në detyrë, Albin Kurti, dhe ushtruesen e detyrës së presidentes, Albulena Haxhiu, se me veprimet e tyre kanë lejuar skadimin e afatit kushtetues për konstituimin e Kuvendit. Para nisjes së seancës, Haradinaj tha se rezultatet e zgjedhjeve ishin certifikuar rreth 40 ditë më parë, por gjatë kësaj periudhe, sipas tij, nuk ishte ndërmarrë ndonjë veprim për përgatitjen e seancës së parë. “Albin Kurti dhe Albulena Haxhiu me qëllim ia kanë djegur Kosovës afatin kushtetues. Certifikimi i rezultateve ka ndodhur para më shumë se një muaji, diku rreth 40 ditë, dhe nuk kanë ndërmarrë asnjë veprim që do të ishte përgatitje për seancën e parë”, ka deklaruar Haradinaj. Ai kritikoi edhe caktimin e seancës në ditën e fundit të afatit, duke pretenduar se kjo është bërë qëllimisht për të krijuar një bllokadë institucionale. “E kanë shtyrë seancën në datën e fundit qëllimisht dhe e kanë djegur afatin kushtetues, me zgjedh kryesinë e Kuvendit, me zgjedh kryetarin, me zgjedh qeverinë, me zgjedh presidentin”, është shprehur Haradinaj.
