Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Koalicioni AAK – Nisma – Konservatorët – Forumi Intelektual E30 – Ideal vazhdoi tubimin elektoral në Junik, ku kandidati për kryeministër, Ramush Haradinaj, premtoi se nën qeverisjen e tij do ta kthejnë mbarë Kosovën. Haradinaj përsëriti angazhimet e tij për uljen e çmimit të energjisë elektrike me 20 për qind, dyfishimin e pagave në sektorin publik dhe përkrahjen financiare për ata që nuk kanë një vend pune. “Kurti duhet të japë llogari për gjithçka që ka bërë, ky nuk po na jep llogari, vetëm po na shan… I kam ndarë tokë për varreza qytetarëve të Gjilanit, edhe atë tokë ua ka marrë dhe nuk kanë ku t’i varrosin qytetarët e Gjilanit. Kryetari i Gjilanit është nga partia e Kurtit, por gjilanasit nuk flasin mirë për të, tha Haradinaj. Ndërkohë, ish-kryetari i Junikut dhe kandidati për deputet, Agron Kuçi, akuzoi kryeministrin Kurti për mashtrime dhe gënjeshtra ndaj qytetarëve të Kosovës.
