Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Republika e Kroacisë ka nderuar me dy “Mirënjohje” heroin e Kosovës dhe luftëtarin e Kroacisë, Xhelal Hajda, i njohur si komandant Toni. Kryetari i parë i Kroacisë, Franjo Tugjman dhe kryetarja e tanishme e këtij vendi, Kolinda Grabar-Kitaroviq e kanë dekoruar me dy “Mirënjohje” heroin e Kosovës, Xhelal Hajda-Toni. Ai ka marrë pjesë në Luftën Atdhetare Kroate dhe atje është shquar në luftë për çlirimin e kroacisë bashkë më dëshmorët, Gëzim Hamza, Bekim Berisha, Fehmi Lladrovci, Naser Ademi e shumë të tjerë. Për këto vepra atdhetare të luftës për çlirimin e popujve nga sundimi i huaj, Xhehal Hajda është dekoruar me “Mirënjohjet” për trimëri dhe heroizëm. Dekoratat iu dorëzuan familjes së dëshmorit të kombit, në Rahovec. Në ceremoninë e organizuar me këtë rast nga OVL e UÇK-së e Rahovecit, në Shtëpinë e Kuluturës së këtij qyteti, u tha se Xhelal Hajda -Toni luftoi për çlirimin e Kroacisë, ndërsa ra dëshmorë për çlirimin e Kosovës.
