Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Rrjeti i Grupeve të Grave të Kosovës ka reaguar ndaj trajtimit që Policia e Kosovës i ka bërë deputetes së Vetëvendosjes, Albulena Haxhiu, dje në seancën dhe pas seancës parlamentare, duke kërkuar hetim të menjëhershëm ndaj anëtarëve të Policisë së Kosovës. “RrGGK dënon trajtimin e dyshimtë të deputetes Albulena Haxhiu nga anëtarët e Policisë së Kosovës gjatë dhe pas seancës parlamentare të 19 shkurtit 2016, dhe kërkon hetim të menjëhershëm të kushteve të arrestimit dhe trajtimit të saj nga anëtarët e Policisë së Kosovës”, thuhet në komunikatë. Tutje thuhet se “gjatë konfrontimit në seancën parlamentare të mbajtur me 19 shkurt 2016, në momentin e kapjes së saj nga sigurimi parlamentar, Haxhiu shtyhet nga një anëtare e sigurimit, dhe si rrjedhojë rrëzohet dhe godet kokën. E lënduar, ajo dërgohet në emergjencë në Qendrën Klinike Universitare të Kosovës (QKUK). Aty, anëtarët e Policisë së Kosovës nuk lejuan anëtarët e familjes së Haxhiut e as mediat të afrohen në dhomën ku ishte duke u trajtuar nga stafi mjekësor. Madje, sipas bashkëshortit të saj, policët kanë qëndruar në dhomën e trajtimit dhe kontrolluan trupin e Haxhiut gjatë mjekimit të saj”.
