Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Komunës së Plavës Mirsad Bajraktareviç priti në takim kolegët nga pala kosovare, Bashkim Ramosaj, kryetar i Deçanit, Agron Kuqi, kryetar i Junikut dhe Smajl Latifi, kryetar i Rahovecit. Ai me këtë rast duke shprehur angazhimin e tij të plotë për zbatimin e projektit për ndërtimin e rrugës Plavë – Deçan, i cili për shkak të rëndësisë së saj për popullatën lokale dhe zhvillimin e rajonit tonë tha se i përket projekteve prioritare të infrastrukturës.
Kryetari i Komunës së Deçanit, Bashkim Ramosaj, i informoi bashkëbiseduesit e tij për dinamikën e punimeve në territorin e Kosovës, si dhe planet për ndërtimin e rrugës së përmendur. Gjatë takimit, ai theksoi në veçanti domosdoshmërinë e harmonizimit të dokumentacionit të projektit në bazë të të cilit do të kryheshin punët, në mënyrë që më në fund ky project të ketë pikën e përbashkët bashkimi.
Bashkëbiseduesit vunë në dukje se është e dëshirueshme të zhvillohen aktivitete të përbashkëta dhe të koordinuara të qeverive të të dyja vendeve me qëllim që të shpejtohen procedurat dhe të tregohet vendosmëria dhe përkushtimi në realizimin e projektit.
Në takim përveç katër kryetarëve të komunave, Plavë, Deçan, Junik, Rahovec morën pjesë edhe Kryetari i Kuvendit Komunal, Shefket Jevriq, Nënkryetari Nihad Canoviq dhe Kryeshefi Administrativ Ervin Kandiq.
