Sadik Halitjaha

Sadik Halitjaha: Deri ku duhet te na shkojë thika! 

Deri ku duhet te na shkojë thika!

Kur duhet me na ra në mend për Preshevën Bujanocin e Medvegjen!

Kur duhet te ju bjer ndërmend Kosovës, Shqipërisë dhe Shqiptarëve ne gjithë boten!

Te gjithë po e shohim e ndjejmë se po zbrazen tokat tona te Kosovës Lindore nga Shqiptaret Autokton si qe u zbraz Toplica e jonë para 150 viteve!

Po zbrazet Kosova lindore, ju shlyhen dokumentet kadastrale shlyhen edhe nga librat e Amzës! Ju shlyen adresat dhe kur provojnë me u kthyer ju thonë kush jeni ju?

I maltretojnë e i ndalojnë!

Me qenë në këto pozita Serbet, ishte mbledh disa herë edhe Këshilli i Sigurimit, qoftë edh për të vetmin Serb!

Sa qenkemi patriot ne, sa ju dalim në krah atyre që na obligon edhe kushtetuta, sa po e bëjnë detyrën Qeveritë dhe strukturat Shtetërore karshi popullit te vet brenda e jashtë kufijve!

Në vitin 2000-2001 u bë një marrëveshje që e ndaloj luftën në Luginë Marrëveshja e -Konqulit- e cila garantonte disa te drejta lokale këtë marrëveshje e organizuan dhe u përkujdesen për te u realizuar OSB-KFOR dhe përfaqësues politik te pushtetit në atë kohë nga Kosova dhe ata vendor!

A ka pyet kush për këtë marrëveshje a u zbatuar ndonjëherë? A e din kush nga Shqiptaret cilat ishin vendimet e kësaj marrëveshje! Vendim i parë të ndalej lufta dhe te amnistohen luftëtarët e dyja palëve!

Kjo shpejt u pa kur ju mor lapidari i Dëshmoreve pranë Komunës së Preshevës si dhe shumë luftëtar u burgosen! Marrëveshja garantonte te drejtat lokale në përbërjen e pushtetit sipas etnie!

Pjesëmarrja në Polici në te gjitha strukturat e Shtetit!

Ushtria serbe te mos e shqetësonte popullatën vendore!

Po ashtu e drejta e gjuhës e shkollimit e Flamurit si dhe e drejta e zhvillimit ekonomik e kulturor!

U burgos kryetari i Bujanocit pse për ditë të flamurit, e ngriti në ndërtesën Komunale flamurin kombëtar!

E drejta e Kosovës dhe e Shqipërisë është e drejt natyrore e drejt zakonore e ndërkombëtare te kujdesemi për popullin tonë që padrejtësisht i mbetur jashtë Kufijve!

Çfarë pret Kosova Shqipëria pse heshtin edhe mërgimtarët!

Po ata ç ‘bëjnë vet Shqiptaret e Luginës!

Kur do të duhej reaguar e sensibilizuar Boten për këto pa drejtësi! A presin qe Serbia të ju sjell në tigan këto të drejta që përditë ju shkel e shkrumbon!

Mos vallë këta pushtetar te mjerë e aspak kombëtar, presin që te mos mbetet askush në token e tyre në Luginë!

Mos vallë presin Rusia apo Serbia ta ‘’ngrit’’ problemin e Shqiptarëve!

Ne jemi koshient se aleati jonë Amerika po i duhet me u prish me Evropën e tanë Boten për ti rehatuar Shqiptaret e ndarë në pesë pjesë!

Një e drejt e tillë vështirë sot argumentohet para Këshillit te Sigurimit, si dhe para OKB-s!

Kjo e drejt legjitime e historike pengohet te realizohet në radhë të parë nga Serbia, Rusia dhe Evropa!

Kjo e fundit ka këso probleme të pa zgjidhura brenda saj!

Te freskët e kemi shpalljen e Pavarësisë së Katalonisë 7.000.000. milion popullsi Autoktone! Shpallja u bë me vendime të parlamentit me referendum e në mënyrën ma te rregullt të mundshme!

U turren Spanjollet u turr Evropa, pa aspak moral e te drejta, e penguan Shpalljen e kësaj Pavarësie!

Por kur është fjala për Shqiptaret Autokton Evropa nuk duhet të punoj me dy standarde me një standard superior të pakicave Serbe në Kosovë, dhe standardë mizërie për Shqiptaret e Luginës, për boshnjaket e Pazarit për Rumunët, Hungarezet në Vojvodinë e te tjerë, në ketë Serbin e përkëdhelur e te privilegjuar!

Sa mund te presim nga ata që e ndanë popullin tonë në pesë pjesë!

Pse jemi kaq pasiv kur tani është momenti i fundit, as kush nuk organizon marrëveshje pas kësaj te tanishmes, Kosovë Serbi qe po dialogohet tani!

Pse nuk kërkohet te përfaqësohen Shqiptaret e Luginës me përfaqësuesit e tyre?

Pse nuk kushtëzohen te gjitha te drejtat qe ju garantohen 37.000 serbeve ne Kosovë e te mos ju garantohen 85.000 Shqiptareve te Luginës!

Në ketë Rast në se nuk realizohen në ketë pako marrëveshje Franko Gjermane-Evropiane e Amerikane!

Kurrë më nuk ka me u zgjidh kanë me u shpërngul të gjithë Shqiptaret!

Pse kjo lejohet, ne kurrë më në favor se kem pas situatën!

Shqipëria në NATO-Kosova Shtet, të dyja të rreshtuara në Aleancë me Amerikën,

shpresoj dhe dua te besoj se Amerika nuk lejon dy standarde për të njëjtën çështje!

Serbia pa aleat është e pozicionuar me Rusinë e Putinit e gjykuar nga krejt bota progresive!

Zgjohu o Shqiptar nga amnezia nga kjo apati e thellë!

Kontrolloni gjithashtu

Gjon Bruçi: “Koha është e maskarenjve, por atdheu i shqiptarëve”

Gjon BRUÇI: Miliona lek për “Big Brother Vip” (Rrip), dhe as një qindarkë për Muzeun  e Alfabetit Shqip të Manastirit!

115 vjet më parë, dhe pikërsht nga 14 – 22 Nëntor të vitit 1908, në …