Serbia po vendos pengesa të pakalueshme që po pamundësojnë eksportimin e prodhimeve tona për në shtete të Evropës

Prodhuesit tonë që tregtojnë mallra të prodhuara në Kosovë për në shtetet e Evropës, po hasin në pengesa të pakalueshme që po i vendos Serbia për ta pamundësuar eksportimin nëpër territorin e saj. Ndonëse prodhuesit dhe tregtarët tonë kanë njoftuar me kohë Qeverinë me pengesat që po ua vendos Serbia, ajo ende nuk ka ndërmarr asnjë veprim. Kohë më parë, ministrja e Industrisë, Ndërmarrësisë dhe Tregtisë, Rozeta Hajdari ka paralajmëruar adresimin e këtyre barrierave te partnerët në Bruksel, ish-ministri i Tregtisë dhe Industrisë, Ismet Mulaj, ka kërkuar veprime të shpejta nga Qeveria e Kosovës për t’i zgjidhur barrierat e vendosura nga Serbia. Ai ka deklraur për Kosovapres se “çdo produktet që kërkohet nga Bashkimi Evropian, automatikisht shkruan në tiketën e tyre produkti nga e ka origjinën. Dhe Serbia këtyre produkteve iu qet probleme dhe realisht pos lëndës së parë që e merr prej Kosovës, pavarësisht se çfarë dokumentacioni ka, çdo produkt tjetër që është produkt i përpunuar ose produkt final që ka në destinacion Serbinë apo vendet e Bashkimit Evropian kanë barriera, të cilat nuk mund t’i kalojnë bizneset për të arritur në shtetet për ku janë nisur.

Kontrolloni gjithashtu

Kryetari i Republikës së Shqipërisë, Bajram Begaj, sot do të qëndrojë në vizitën e tij të parë zyrtare në Kosovë

Kryetari i Republikës së Shqipërisë, Bajram Begaj sot do të qëndrojë për një vizitë zyrtare …