Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Gazetari malazias, Sheki Radonçiq në një intervistë për portalin Walter, ka deklaruar se duhet shumë kohë për të riparuar dëmet e mëdha që iu kanë bërë Mal të Zi në tre vitet e fundit, sidomos aty ku është më e ndjeshme, si në shkolla, arsim dhe media, të cilat, sipas direktivës së Beogradit, ushtrojnë presion të madh që malazezët të ndryshojnë fenë dhe kombin e tyre, dhe anëtarët e kombeve pakicë, kryesisht boshnjakët dhe kroatët, të lëvizin larg shtëpive të tyre. Sipas tij, Mali i Zi gjatë tre viteve të sundimit pro-rus dhe pro-serb, për pak sa nuk ra nga maja e malit në një humnerë të thellë dhe do të duhet një kohë shumë e gjatë për t’u rikuperuar dhe për t’u rikthyer në pozicionin e tij origjinal. Faktori kryesor destabilizues në Ballkanin Perëndimor është, pa asnjë dyshim, një Rusi e plagosur rëndë, e cila, veçanërisht përmes Banja Lukës dhe Beogradit, po përpiqet të hapë një zonë të re lufte në zemër të Evropës pas Ukrainës. Për të personalizuar problemin: Vladimir Putin po përpiqet me këmbëngulje të provokojë një luftë civile në Bosnje dhe Hercegovinë përmes Milorad Dodik, thotë, Radonçiq.
