Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Inspektorët anë e mbanë Kosovës në bashkëpunim me Policinë e Kosovës ditëve të fundit kanë mbyllur shumë lokale të gastronomisë në shumë komuna të Kosovës. Lokalet janë mbyllur me arsyetimin se nuk i kanë respektuar masat anti-Covid. Shoqata e Gastronomeve të Kosovës, këto veprimet e fundit të organeve përgjegjëse për zbatimin e ligjit në Kosovë, i konsideron jashtëzakonisht të padrejta dhe të papërgjegjshme. Sipas gastronomeve vendimi i fundit i Qeverisë së Kosovës, ka shprehur konfuzion të paparë për pothuajse secilin subjekt afarist të gastronomisë. Këto veprime sipas gastronomeve janë të padrejta, pasi konsiderojnë se afati kohor për njoftimin e subjekteve të gastronomisë rreth një interpretimi të tillë do të duhej të ishte për një periudhë të arsyeshme dhe jo të menjëhershme siç ka ndodhur mbrëmë.
