Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Një shpërthim ka ndodhur mbrëmjen e sotme në fshatin Vragë të Zubin Potokut, duke shkaktuar dëmtimin e kanalit të Ibër-Lepencit, një infrastrukturë kritike për furnizimin me ujë të qytetarëve të Mitrovicës. Shpërthimi është cilësuar akt terrorist, ndërsa në vendin e ngjarjes kanë mbërritur ekipet e Policisë së Kosovës, zjarrfikësit, ekipet e KEK-ut dhe ato të kërkim-shpëtimit. Pas shpërthimit, është ndërprerë furnizimi me ujë të pijshëm për Mitrovicën, ndërsa banorët e një shtëpie në zonë janë evakuuar për arsye sigurie. Policia dhe Prokuroria Speciale po hetojnë rrethanat e rastit, ndërkohë që masat e sigurisë janë rritur në të gjithë vendin pas një sërë incidentesh të ngjashme në veri.
