KEK
Fillimi / Lajmet / Shumica parlamentare në Kuvendin e Shqipërisë, ka nisur procedurën për shkarkimin e kryetarit, Ilir Meta
Shumica parlamentare në Kuvendin e Shqipërisë, ka nisur procedurën për shkarkimin e kryetarit, Ilir Meta

Shumica parlamentare në Kuvendin e Shqipërisë, ka nisur procedurën për shkarkimin e kryetarit, Ilir Meta

Shumica parlamentare në Kuvendin e Shqipërisë, ka nisur sërish punën për shkarkimin e kryetarit, Ilir Meta, ku 50 deputetë kanë dhënë firmën për largimin e tij ndërsa në dokumentin prej 41 faqesh rendisin provat, që  faktojnë që ai e  ka shkelur Kushtetutën. Deputetët e PS, që kanë firmosur kërkesën, nga Taulant Balla, te Pandeli Majko e Spartak Braho, risjellin në vëmendje disa deklarata të forta të Presidentit Meta, të bëra para, gjatë dhe pas fushatës elektorale të zgjedhjeve të 25 prillit, duke përfshirë edhe deklaratat në drejtim të ambasadores amerikane, Yuri Kim. Sipas ligjvënësve të majtë, këto deklarata të Kreut të Shtetit çuan deri në një humbje jete, duke iu referuar kështu vrasjes së Pjerin Xhuvanit në Elbasan, katër ditë para zgjedhjeve. “Me sjelljen e tij, mesazhet drejtuar publikut me qëllim përkrahjen e nxitjen e vetëgjyqësisë, të cilat në Elbasan çuan edhe në humbje jete, terrorit, aktet e dhunës në rrugët e vendit në prag të zgjedhjeve për Kuvendin e Shqipërisë, mesazhet dhe sjelljet e intimidimit të votuesve, gjyqtarëve dhe prokurorëve, forcave të policisë, përfaqësuesve të lartë të misioneve diplomatike, çuan në cenimin e imazhit të Shqipërisë në botë dhe cenimin e marrëdhënieve të fqinjësisë së mirë në rajon dhe më gjerë”, thuhet në kërkesën e Partisë Socialiste.

Kontrolloni gjithashtu

Arben Gashi: Saranda Bogujevci po keqpërdoret nga Vetëvendosje me qëllim të viktimizimit të saj për përfitime politike

Arben Gashi: Saranda Bogujevci po keqpërdoret nga LV-ja me qëllim të viktimizimit të saj për përfitime politike

Deputeti i LDK-së, Arben Gashi në një konferencë për media para gazetarëve ka folur për ...