Smajl Latifi: POETI QË I DHA JEHONË PUSHKËS SË LIRISË

Edhe një pishtar i qenka shtuar FLAKËS SË JANARIT. Vdekja e Adem Gashit, poetit, romancierit, eseistit, kritikut letrar, tekstshkruesit të qindra këngëve për dëshmorët e mbi të gjitha e një atdhetari të spikatur, është humbje e madhe që lë boshllëk në jetën tonë. Pena e mendja e tij e mprehtë e bëri të shquar në mesin e më të mirëve të kombit. Bukur i rendiste vargjet për heronjtë dhe të pavdekshimit e kombit, sepse në shpirt e në zemër e kishte atdheun dhe lirinë. Në opusin e tij krijues janë edhe këngët për Ukshin Hotin, Bedrush e Feim Gashi e shumë të tjerë.

Pavdekësinë e shkroi vetë dhe neve na mbetet ta nderojmë e kujtojmë si njërin nga shqiptarët e mëdhenj. Nderim e përkulje para jetës dhe veprës së atdhetarit e shkrimtarit Adem Gashi.

Ngushëllime familjes Gashi dhe të gjithë bashkëkombësve tanë!

I lehtë i qoftë dheu i tokës arbërore!

***

TEMPULLI I LIRISË

(Ukshin Hotit)

Ndalem e kujtohem

tash e një çerek shekull

me dje e me sot

ku na mbeti vëllai

njai vigani – tempull

që na dilte zot.

Njai që n’gjykatore me grusht e godiste

dhe mbahej si lis

Liria e Kosovës më nuk mund të priste

bëje ose vdis.

ref…

hej o burr i dheut

asnjëherë përtokur

mendjelarti trim

emri më i kuptimshëm,

vigan i pamposhtur

princ i kombit tim.

Ti na vjen papritur

ti je gjith prania

hapur t’presin zemrat

e gjithë shqiptaria

e rritesh si mali

e rritesh si kënga

Tempull Ukshin Hoti ooo

ti je vetë legjenda.

II

Mendjen s’mund ta lidhnin

me pranga e zinxhirë

s’ka si lidhet mali

zjarri i perëndive

flakëroi lirinë

me tharmi ideali.

ref…

Hej o burr i dheut

asnjëherë përtokur

mendjelarti trim

emri më i kuptimshëm

vigan i pamposhtur

princ i kombit tim.

Ti na vjen papritur

ti je gjith prania

hapur t’presin zemrat

e gjithë shqiptaria

e rritesh si mali

e rritesh si kënga

Tempull Ukshin Hoti ooo

ti je vet legjenda.

Të presin valvitjet

në çdo stinë e mot

në tokën me male

që tash më ka zot.

Ti na vjen papritur

ti je gjithë prania

hapur t’presin zemrat

e gjithë shqiptaria

e rritesh si mali

e rritesh si kënga

Tempull Ukshin Hoti ooo

ti je vet legjenda.

…

Teksti: Adem Gashi

Interpretoi: Ilir Shaqiri