MIT
Airport Adem Jashari
kek
Fillimi / Lajmet / Sot bëhen 18 vite nga masakra e dhjetë civilëve shqiptarë në Luboten të Shkupit nga forcat sllavo-maqedonase
Sot bëhen 18 vite nga masakra e dhjetë civilëve shqiptarë në Luboten të Shkupit nga forcat sllavo-maqedonase

Sot bëhen 18 vite nga masakra e dhjetë civilëve shqiptarë në Luboten të Shkupit nga forcat sllavo-maqedonase

Sot mbushen 18 vjet nga masakra e Lubotenit, kur forcat maqedonase të sigurisë vranë dhjetë civilë shqiptarë në këtë fshat të Shkupit. Në mëngjesin e 12 gushtit 2001, u zhvillua operacioni i ndërhyrjes së njësiteve policore – ushtarake në Luboten ku vranë fëmija 6-vjeçar Erxhan Aliu, si dhe Dalip Murati, Muharrem Ramadani, Memet Memeti, Rami Jusufi, Xhelal Bajrami, Kadri Jashari, Bajram Jashari, Sulejman Bajrami, Atulla Qaili. Në këtë aksion u dogjën 14 shtëpi, ndërsa u arrestuan dhe u keqtrajtuan mbi 100 banorë të tjerë, me arsyetimin se në fshat ishin të pranishëm pjesëtarë të UÇK-së. Rasti i Lubotenit ishte një ndër rastet e vetme që u proceduan dhe u gjykuan nga Tribunali Ndërkombëtarë për Krime Lufte, me ç’rast për krimet e kryera ndaj civilëve shqiptarë u dënua ish-pjesëtari i lartë i forcave të sigurisë maqedonase, Johan Tarçullovski, ndërsa i akuzuari i parë ish-ministri i Brendshëm, Lube Boshkovski u lirua nga akuza. Tarçullovski u dënua nga Gjykata e Hagës me 12 vjet burg për vrasje, thyerje të ligjeve të luftës, torturë dhe shkatërrim të pasurisë, por ai tanimë ndodhet në liri pas mbajtjes së 8 vjetëve burg. Nga ana tjetër, Tarçullovski, por edhe Boshkovski, nga ana e shtetit konsiderohen dhe nderohen si heronj kombëtarë të konfliktit të vitit 2001.

Kontrolloni gjithashtu

Ministria e Financave: Pagat e dhjetorit do të ekzekutohen me rritje ashtu siç është paraparë me Ligjin e ri të Pagave

Georgieva: Ekonomia globale rrezikon të kthehet në kohën e Rënies së Madhe të viteve të njëzeta të shekullit të kaluar

Shefja e Fondit Monetar Ndërkombëtar, Kristalina Georgieva ka paralajmëruar se ka rrezik që ekonomia globale ...