Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Sot Kuvendi i Kosovës filloi punën me një minutë heshtje në nderim të policit të vrarë Afrim Bunjaku. Në rend dite hyri edhe pika për miratimin e një rezolute për të dënuar sulmin terrorist të së dielës në Banjskë të Zveçanit. Kryeministri i Kosovës, Albin Kurti në seancën e sotme të Kuvendit, ka thënë se të dielën e 24 shtatorit përjetuam sulm agresor të bandave kriminale e terroriste të Serbisë, jo vetëm ndaj Policisë së Kosovës, por edhe ndaj shtetit, republikës e rendit dhe sigurisë tonë. “Sulmi i orkestruar nga bandat e maskuara kriminale e terroriste vrau zyrtarin tonë policor Afrim Bujakun dhe plagosi një zyrtar tjetër. Ishte ditë e rëndë për vendin tonë. Vrasja e tij u kthye në angazhim më të shtuar në luftimin e bandave kriminale e terroriste dhe në fitore të betejës nga Policia e Kosovës”, tha Kurti. Ai shtoi se terroristët ose janë vrarë, ose janë arrestuar ose janë në ndjekje pasi që ikën.
