Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Serbisë, Tomisllav Nikoliq, në vazhdim të kërcënimeve nga Rusia ku po qëndron për një vizitë ka thënë është koha të bisedohet ndryshe me Brukselin dhe që Beogradi të kuptojë se çfarë do të ndodhë në fund të rrugës së Serbisë në drejtim të Bashkimit Europian, nëse kjo do të thotë t’i bëhet ultimatum që të njohë pavarësinë e Kosovës si kusht për pranim në Union. Në një deklaratë për gazetarët, në Sent Petersburg të Rusisë, ku mori pjesë në hapjen e konsullatës së nderit të Serbisë, Nikoliq tha se është koha të marrë vesh se çfarë mendon Brukseli për pasurinë e rrëmbyer, duke shtuar se në Perëndim, në botën e kapitalizmit liberal, të cilën e ka përqafuar Serbia, prona është e pacenueshme dhe se madje bëhen luftëra kur dikush dëshiron të rrëmbejë territorin ose pronën dhe pasurinë e ndonjë shteti.
