Turqia ftohet të investojë në Kosovë

15/10/2016 Ekonomia

Një delegacioni i Kosovës udhëhequr nga zëvendësministri i Tregtisë dhe Industrisë, Avni Kastrati dhe ai Ministrisë së Bujqësisë, Pylltarisë dhe Zhvillimit Rural, Kurtan Kajtazi, në Bursa të Turqisë, u takuan me krerët e Odesë së Tregtisë të këtij qyteti. Ata, me këtë rast realizuan biseda dhe prezantuan mundësitë e investimeve në Kosovë, lehtësirat të cilat i ofron vendi ynë për bizneset të cilat investojnë si dhe i njoftuan udhëheqësit e Odes për Aprovimin e Ligjit për Investime Strategjike. Të dy zëvendësministrat dhe ekipi i tyre u takuan edhe me Shoqatën e Industrialistëve dhe Biznesmenëve të Bursës dhe Shoqatën e Biznesmenëve “RUMELISIAD”, ku biseduan me udhëheqësit e këtyre shoqatave për mundësitë e investimeve në vendin tonë, si dhe lehtësirat që u ofron Kosova për të bërë biznes. Zëvendësministrat e Qeverisë së Kosovës shfrytëzuan rastin të vizitojnë dhe të takojnë përfaqësuesit e Shoqatës së Shqiptareve në Bursa, ku biseduan me ta për jetesën e tyre, vështirësitë që ballafaqohen, dëshirën e tyre për ta vizituar Kosovën, si dhe për mundësitë e investimeve të kapitalit të tyre edhe në Kosovë. Gjatë kësaj vizite, zëvendësministrat kosovarë vizituan edhe Shkollën Profesionale “BUTGEM” në Bursa, ku panë në afërsi se si zhvillohet arsimi dhe kushtet që ofron kjo shkollë për gjeneratat e reja. Përfaqësuesit e kësaj shkolle shprehën interesimin e hapjes së një shkolle të tillë edhe në Kosovë.

Kontrolloni gjithashtu

Sot në Kuvendin e Kosovës mbahet seanca e jashtëzakonshme e thirrur nga partitë opozitare

Deputetët flasin për detyrimet e mundshme financiare të Kosovës

Kuvendi i Kosovës vazhdon seancën plenare, ku do të diskutohet lidhur me detyrimet e mundshme …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara