U promovuan veprat: “The Terror Of Serbian Occupier Over Albanians 1844 -1999” dhe MOS HARRO KURRË (Gjenocidi serb mbi shqiptarët 1844-1999”

Nga një organizim i mrekullueshëm i veprimtarit të palodhshëm të çështjes kombëtare, z. Rexhep Neziri, në bashkëorganizim  me Prof. Riza Demaj dhe anëtarët e Kryesisë së LAPSH “Naim Frashëri” , Yll Idrizi, Shpejtim Brahaj e Idajet Llugiqi të Tifozave “Kuq e Zi”, të Bazelit, u promovuan veprat: “The Terror Of Serbian Occupier Over Albanians 1844 -1999”, të autorit N. Pllana, ”NEVER FORGET – MOS HARRO KURRË(Gjenocidi serb mbi shqiptarët 1844-1999”, të autorëve Nusret Pllana e Agim Aliçkaj, dhe filmi dokumentar “Kush i vret fëmijët?!”, të producentëve, Nusret Pllana e Esat Shala.

E moderoi me sukses, z. Xheladin Shala , i biri i Heroit të kombit Gjeneral Shaban SHALA.

Këtë  ngjarje kulturore, edukative e shkencore, e përcolli edhe Ekipa e Rtk-së, me kameraman, z. Frrok Kolaj dhe Ing. Besim Neziri me aparatin e tij ‘magjik’.

Përveç shumë bashkëatdhetarëve tanë nga Zvicrra, Gjermania, Franca, Belgjika e Holanda, me pjesëmarrjen e tyre na nderuan edhe Ish Konsulli i Republikës së Kosovës në Zvicërr, Dr.Salih Sefaj, Prof.dr. Fadil Çitaku, Prof. Xhafer Ymeri, Nexhmedin Demiri, Nikollë Tuci, Salih Gjonbalaj, Tahir Çitaku e shumë dashamirë të librit e të filmit dokumentar, të cilët i falënderojmë nga zemra për kontributin e tyre të çmuar!