Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Profesor Valon Murati, ka kritikuar kryeministrin në detyrë, Albin Kurti, lidhur me ngërçin politik dhe zvarritjen e konstituimit të Kuvendit të Kosovës. Murati ka deklaruar se, sipas tij, Kurti nuk është realisht i interesuar që procesi i konstituimit të përfundojë dhe institucionet e reja të fillojnë funksionimin, duke e lidhur këtë me kalkulime politike që mund të çojnë vendin drejt një krize edhe më të thellë. Deklarata e Muratit vjen pas seancës së 9 shtatorit, e cila nuk arriti të përmbyllë konstituimin e Kuvendit për shkak të mungesës së dakordimit për zgjedhjen e nënkryetarëve. Ndërkohë, Kurti ka deklaruar se ka ftuar në takim kryetarin e PDK-së, Bedri Hamzën, dhe atë të LDK-së, Lumir Abdixhikun, me synimin për të arritur një marrëveshje për këtë çështje dhe për të mundësuar konstituimin e Kuvendit. Murati, megjithatë, e sheh situatën ndryshe dhe vlerëson se zvarritja e procesit po e mban Kosovën në një ngërç të vazhdueshëm institucional, në një kohë kur vendi ka nevojë për funksionalizimin e Kuvendit dhe formimin e institucioneve të reja.
