Vërshime edhe në komunën e Shtimes

09/11/2016 Institucionet

Zyra për Mbrojtje dhe Shpëtim ( ZMSH ), dje dhe sot, në fshatrat e komunës së Shtimes, është duke përcjellë gjendjen e krijuar nga të reshurat.

Sipas Skënder Dautit-përgjegjës për siguri dhe emergjencë dhe Adem Ramadanit-zyrtar për planifikim dhe operativë, gjendja ka filluar të përkeqësohet në ditën e sotme pasi që lumenjtë kanë qenë të fryrë që nga dita e djeshme. Lumi “Shtimjanja”, sot ka dalë nga shtrati ku është mbuluar me ujë një sipërfaqe bukur e madhe e tokës bujqësore, sidomos përreth lumit.

Gjithashtu janë rrezikuar edhe disa shtëpi  banimi në fshatin Muzeqinë, Reçak dhe Rashincë, pasi që uji ka depërtuar në oborre. Ndërkaq, përmbytje të tokës bujqësore dhe të mbjellave ka në Belinc, Carralevë, Reçak, Muzeqinë, Rashincë dhe Vojnoc.

Zyra për Mbrojtje dhe Shpëtim ( ZMSH ) në komunën e Shtimes, përmes zyrtarëve të vet, ka vizituar dhe ka përcjellë për së afërmi këto vërshime dhe ka kontaktuar me banorët e rrezikuar.

Ende është duke u rritur niveli i ujit edhe pse të reshurat kanë pushuar, por sipas zyrtarëve të ZMSH, z. Skënder Dauti dhe z. Adem Ramadani, gjendja pritet të stabilizohet nëse nuk fillojnë prapë të reshurat.

Kontrolloni gjithashtu

Në QKMF-në në Ferizaj ishin për vizitë Dr. Edita Haxhiu – përfaqësuese nga OBSh, Dr. Fetije Fetaj nga IKShPK dhe një përfaqësuese nga UNICEF-i

Në shërbimin e vaksinimit në Ferizaj ishin për vizitë Dr. Edita Haxhiu – përfaqësuese nga …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara