Kryetari i Sindikatës së zjarrfikësve, Muharrem Beka, ka deklaruar për mediet se ende nuk ka marrë përgjigje për një mori kërkesash që u ka drejtuar institucioneve të vendit. Beka thotë se prej vitit 2008 e deri më tash, vetëm një kërkesë e tyre është realizuar, jo pa vështirësi. Komandanti i Brigadës së Zjarrfikësve në Prishtinë, Latif Zeka, thotë se janë gjithsej nëntë vende të lira të punës, por komuna e as Ministria e Punëve të Brendshme nuk kanë hapur konkurs. Zjarrfikësit kanë paralajmëruar se do të bëjnë grevë për realizimin e kërkesave të tyre të drejta.
