KEK
Fillimi / Kultura / Zymer Mehani: BUKUROSHJA E LIRISË

Zymer Mehani: BUKUROSHJA E LIRISË

 

(Në 22-vjetorin e rënies së dëshmores së kombit, Antigona Fazliu)

1

Krah shqiponje n’Qyqavicë

Ag mëngjesi në Drenicë

Mali seç ushton: -Antigona rron!

2

Në tufan e në stuhi

Lufton Gona për liri

Popullatës duarthatë

U lidh plagë u mjekon vrragë

3

Me fjalën ATDHE në gojë

Dhe me dashuri

Antigona syshqiponjë

N’luftë ra për liri

 

Me fjalën SHQIPËRI në gojë

Me shumë ngrohtësi

Antigona si lastar

Në t’lirisë altar…

 

Me fjalën KOSOVË në gojë

Me flatrat porsi shqiponjë

Në rrebesh s suferinë

E fitove pavdekësinë

4

Qyqavicë me gërxhe, brinja

Djep kreshnikësh-je më trimja

 

Stoli e rrallë e atdheut tim

Çerdhe shqipesh n’fluturim

 

Shqipe e rrite Antigonën

Me guxim mundi zezonën

5

Qysh e vogël gjashtëvjeçare, Gona zemërmitare

“Pushkën” e vënte në krah si trime, luftëtare

 

-Baba, mëma ime, do të bëhem trime

Thoshte Gona prore,në moshën fëmijërore

 

-“Pushkën” s’e lëshoj , se atdheun e due

Sikur trimi Skënderbeu kam për të luftue’

6

Ngjitet Gona trime malit për liri

Luftën dot s’e ndal për një ideal

 

Krahut  pushkën n’zemër kishte  zjarr

Luftoi nëpër male me trimat luftarë

 

Dhe mbi dëborë fjeti në t’acartin mot

Gona zemërtrime gjoksin plot barot

7

Pranë kodriçes buzë burimit ngrihet lart një lapidar

Atje rrodhi gjaku i Gonës, i trimëreshës si lastar

 

Ra shqiponja për liri, syri s’iu tremb dot

Korri, griu mbi gjakatarët me flakë e barot

 

Gona trime zemër-ar iku, hyri n’histori

E poeti këngëton vargje radhaz vargëzon

 

Për dëshmoren e paepur që ka emrin Antigonë

Motra Gone t’qoftë lavdi-flakë lirie n’përjetësi!…

Kontrolloni gjithashtu

Vaxhid Sejdiu

Vaxhid Sejdiu: Shkolla Shqipe është pasuri kombëtare!

Nxënësit me një edukim kombëtar, janë ata që mbajnë mbi supe dashurinë ndaj GJUHËS, QË ...